दाङ,२ चैत । नेपाल आयल निगम लिमिटेडले पेट्रोलियम पदार्थको मूल्य वृद्धि गरेको छ।
अन्तर्राष्ट्रिय बजारमा भएको मूल्य वृद्धि र आपूर्ति व्यवस्थापनमा परेको दबाबलाई कारण देखाउँदै निगमले पेट्रोल, डिजेल तथा मट्टीतेलको खुद्रा बिक्री मूल्य बढाएको जनाएको छ।
निगमका अनुसार नयाँ मूल्य आजैदेखि लागू हुने गरी समायोजन गरिएको हो। मूल्य समायोजनपछि पेट्रोलमा प्रतिलिटर ३१ रुपैयाँ, डिजेलमा प्रतिलिटर ५४ रुपैयाँ र खाना पकाउने एलपी ग्यासमा २१६ रुपैयाँ वृद्धि गरिएको छ।
मूल्य वृद्धि भएसँगै अब पेट्रोल प्रतिलिटर १८८ रुपैयाँ, डिजेल प्रतिलिटर १९६ रुपैयाँ र एलपी ग्यास प्रति सिलिन्डर २,१२६ रुपैयाँ कायम भएको निगमले जनाएको छ।
अन्तर्राष्ट्रिय बजारमा बढेको मूल्यका आधारमा प्राप्त नयाँ मूल्यसूचीअनुसार नेपालमा मूल्य समायोजन गर्नुपरेको निगमले स्पष्ट पारेको छ।
प्रतिक्रिया दिनुहोस