सुनचाँदीको भाउ बढ्यो

दाङ,५ जेठ । नेपाली बजारमा आज (मंगलबार) सुनचाँदीको भाउ बढेको छ।सोमबार तोला मा ८ सय रुपैयाँ बढेको सुनको भाउ आज थप ५ सय रुपैयाँले वृद्धि भएको हो। नेपाल सुनचाँदी व्यवसायी महासंघका अनुसार आज सुन प्रतितोला २ लाख ९५ हजार ३ सय रुपैयाँमा कारोबार भइरहेको छ। सोमबार सुन प्रतितोला २ लाख ९४ हजार ८ सय रुपैयाँमा कारोबार भएको थियो।

त्यस्तै, मंगलबार चाँदीको मूल्य पनि बढेको छ। सोमबार प्रतितोला ५ हजार ४० रुपैयाँमा कारोबार भएको चाँदी आज ५ हजार ८५ रुपैयाँमा किनबेच भइरहेको छ, जुन अघिल्लो दिनको तुलनामा ४५ रुपैयाँले बढी हो। अन्तर्राष्ट्रिय बजारमा भने आज सुन प्रतिऔंस ४ हजार ५४४ अमेरिकी डलरमा कारोबार भइरहेको छ।