दाङ,१७ फागुन । दाङ प्रहरीले एक हप्तामा १६ जना फरार अभियुक्त पक्राउ गरेको छ। जेठ ८ गतेदेखि १५ गतेसम्म विभिन्न मुद्दामा फरार रहेका उनीहरूलाई पक्राउ गरिएको प्रहरी निरीक्षक बाबुराम बस्नेतले जानकारी दिएका छन्।
पक्राउ परेकाबाट २५ हजार ३०० रुपैयाँ जरिवाना असुल गरिएको छ। साथै उनीहरूलाई ३ वर्ष २ दिन कैद सजाय भुक्तान गराइने प्रहरीले जनाएको छ।
यसै अवधिमा प्रहरीले जिल्लाका विभिन्न स्थानबाट १ वटा टिप्पर र ५ वटा ट्याक्टर पनि नियन्त्रणमा लिएको छ। ती सवारी साधन नदीजन्य पदार्थ (ढुंगा, बालुवा, गिट्टी) को अवैध उत्खननमा प्रयोग भएको पाइएपछि कारबाही गरिएको हो।
उक्त कारबाहीबाट १ लाख ६५ हजार रुपैयाँ राजस्व संकलन भएको प्रहरीले जनाएको छ।
प्रतिक्रिया दिनुहोस