दाङ,१८ जेठ । दाङको तुलसीपुर–५ गुल्मचोकमा सोमबार बिहान टिप्पर र मोटरसाइकल ठोक्किँदा गम्भीर घाइते भएका बाबुछोराको मृत्यु भएको छ।
दुर्घटनामा लमही नगरपालिका–५ का ३५ वर्षीय मनोज नेपाली र उनका ५ वर्षीय छोरा मिनराज नेपाली घाइते भएका थिए। दुवैलाई उपचारका लागि नेपालगञ्ज मेडिकल कलेज लगिएकोमा चिकित्सकले मृत घोषणा गरेका हुन्।
घटनामा मनोजकी ३४ वर्षीया श्रीमती अनुषा नेपाली भने सामान्य घाइते भएकी छन्। प्रहरीले टिप्पर चालकलाई नियन्त्रणमा लिएर घटनाबारे थप अनुसन्धान गरिरहेको छ।
प्रतिक्रिया दिनुहोस