दाङमा चारमा ८ फरार प्रतिवादी पक्राउ

दाङ,२१जेठ । दाङमा चार दिनको अवधिमा ८ जना फरार प्रतिवादी पक्राउ परेका छन्।

जिल्ला प्रहरी कार्यालय दाङका अनुसार फैसला कार्यान्वयनलाई प्रभावकारी बनाउन विभिन्न समयमा मुद्दा फैसला भएर फरार रहेका व्यक्तिहरूलाई पक्राउ गरिएको हो।

जेठ १६ गतेदेखि १९ गतेसम्मको अवधिमा उनीहरू पक्राउ परेका हुन्। पक्राउ परेकाबाट १० हजार १ सय रुपैयाँ जरिवाना असुल गरिएको छ। उनीहरूलाई एक वर्ष एक महिना कैद सजाय तोकिएको प्रहरीले जनाएको छ। पक्राउ परेकालाई फैसला कार्यान्वयनका लागि दाङ जिल्ला अदालत घोराही पठाइएको छ।