काठमाडौं,४ साउन । नेपाल क्रिकेट संघ (क्यान)ले दोस्रोपटक डिजिटल फ्यान इन्गेजमेन्ट अवार्ड जितेको छ। अन्तर्राष्ट्रिय क्रिकेट परिषद् (आईसीसी) को वार्षिक सम्मेलनमा क्यानलाई उक्त अवार्ड प्रदान गरिएको हो।
क्यानका अध्यक्ष चतुरबहादुर चन्द, सचिव पारस खड्का र कोषाध्यक्ष पदम खड्काले संयुक्त रूपमा पुरस्कार ग्रहण गरेका छन्।
क्यानले लगातार दुई वर्षसम्म उक्त अवार्ड जित्न सफल भएको क्यानका प्रवक्ता छुम्बी लामाले जानकारी दिए।
डिजिटल फ्यान इन्गेजमेन्ट विधामा क्षेत्रीय विजेता बनेका नामिबिया (अफ्रिका), बर्मुडा (अमेरिका), नेपाल (एसिया), र इन्डोनेसिया (इस्ट एसिया प्यासिफिक) ग्लोबल छनोटमा प्रतिस्पर्धामा थिए।
प्रतिक्रिया दिनुहोस