घोराहीमा पठनपाठन अनिश्चितकालका लागि स्थगित

दाङ, २६ भदौ । घोराही उपमहानगरपालिकाले पालिकाभित्र रहेका सम्पूर्ण विद्यालयमा पठनपाठन अनिश्चित कालका लागि स्थगित गरिएको बताएको छ।

मुलुकमा उत्पन्न विषम परिस्थितिका कारण घोराही उपमहानगरपालिकाभित्रका सबै सामुदायिक तथा संस्थागत विद्यालयमा पठनपाठन अनिश्चितकालका लागि स्थगित गरिएको हो।

उपमहानगरपालिकाका प्रमुख प्रशासकीय अधिकृत ऋषिराम के.सी.ले शुक्रबार सूचना जारी गर्दै २०८२ भदौ २७ गतेदेखि लागू हुने गरी अर्को सूचना प्रकाशित नभएसम्मका लागि कक्षाहरु बन्द गरिएको जानकारी गराएका हुन्।

यस निर्णयसँगै घोराहीका सम्पूर्ण विद्यालयमा शिक्षण गतिविधि रोकिएको छ।