उपमहानगरलाई गोरखा माविको सहयोग

दाङ, ५,असोज। आगजनी र तोडफोडका कारण सेवा प्रवाह प्रभावित बनेपछि तुलसीपुरमा रहेको गोरखा माध्यमिक विद्यालयले तुलसीपुर उपमहानगरपालिकालाई सहयोग सामग्री प्रदान गरेको छ।

भदौ २३ र २४ गते जेन–जेड आन्दोलनका क्रममा कार्यालयमा भएको आगजनी र तोडफोडका कारण सेवा प्रवाह प्रभावित भएपछि उपमहानगरपालिकालाई गोरखा माध्यमिक विद्यालयले सहयोग गरेको हो।

विद्यालयले सामाजिक उत्तरदायित्वअन्तर्गत एक थान स्टिल दराज, दुई थान कम्प्युटर र एक थान प्रिन्टर हस्तान्तरण गरेको हो।

गोरखा ग्रुपका एकाडेमिक डाइरेक्टर दुर्गा केसी र प्रिन्सिपल बिजयमान जीएमले उपमहा नगर प्रमुख टिकाराम खड्कालाई उक्त सामग्री बुझाएका हुन्।

विद्यालयले यस कदमले सेवाप्रवाह पुनःस्थापनामा सहयोग पुग्ने विश्वास व्यक्त गरेको छ।