प्रतिनिधि सभा र राष्ट्रिय सभा निर्वाचनका लागि दल दर्ता खुला

काठमाडौ,२८ कार्तिक । निर्वाचन आयोगले आगामी प्रतिनिधि सभा र राष्ट्रिय सभा सदस्य निर्वाचनका लागि दल दर्ता प्रक्रिया औपचारिक रूपमा खुला गरेको छ। आयोगले शुक्रबार दुई छुट्टाछुट्टै सूचना जारी गर्दै दुवै तहका चुनावका लागि दल दर्ता आवेदन लिन सुरु भएको जानकारी दिएको हो।

आयोगका अनुसार ,प्रतिनिधि सभाको दल दर्ता मंसिर १ देखि १० गतेसम्म र राष्ट्रिय सभाको दल दर्ता मंसिर १ देखि ७ गतेसम्म गर्न सकिने छ।

दल दर्ताका लागि आवेदन दिनुपर्ने कागजातहरूमा दलसम्बन्धी विवरण, दलको नाम आयोगमा दर्ता भएको मिति, र आयोगले माग्ने अन्य आवश्यक कागजात अनिवार्य रूपमा पेश गर्नुपर्ने सूचनामा उल्लेख गरिएको छ।