बागमती प्रदेशसभा सभामुख पाठकको राजीनामा स्वीकृत

काठमाडौ,४ मंसिर । बागमती प्रदेशसभा सभामुख भुवनकुमार पाठकको राजीनामा औपचारिक रूपले स्वीकृत गरिएको छ।

प्रदेशसभा सचिवालयद्वारा जारी सूचनामा पाठकले २०८२ असोज १ गते उपसभामुख अप्सरा चापागाईँलाई सम्बोधन गरी पदबाट राजीनामा दिएको उल्लेख छ। प्रदेश सभा नियमावली २०७४ को नियम १८४(२) अनुसार प्रदेशसभा सदस्यहरूलाई जानकारी गराउन सूचना प्रकाशित गरिएको प्रदेश सभा सचिव रामकुमार पौडेलले जनाएका छन्।

राप्रपाबाट निर्वाचित पाठक प्रदेशसभाको सभामुख बनेका थिए।