सुन तोलामा २९ सयले घट्यो

दाङ,१२चैत । स्थानीय बजारमा सुनको मूल्य घटेको छ। नेपाल सुनचाँदी व्यवसायी महासंघका अनुसार बिहीबार (चैत १२) सुनको मूल्य तोलामा २९ सय रुपैयाँले घटेको हो।

आज सुनको मूल्य प्रतितोला दुई लाख ८५ हजार ६०० रुपैयाँ तोकिएको महासंघले जनाएको छ । अघिल्लो दिन सुन प्रतितोला दुई लाख ८८ हजार ५०० रुपैयाँमा कारोबार भएको थियो।

यसैगरी चाँदीको मूल्य पनि घटेको छ। आज चाँदी तोलामा १०० रुपैयाँले घटेर चार हजार ८२० रुपैयाँ कायम भएको छ। अघिल्लो दिन चाँदी चार हजार ९२० रुपैयाँमा कारोबार भएको थियो।