तीन प्रतिवेदन सार्वजनिक गर्ने सरकारको निर्णय

काठमाडौं,१२चैत । सुशीला कार्की नेतृत्वको सरकारले विभिन्न तीन वटा प्रतिवेदन सार्वजनिक गर्ने निर्णय गरेको छ।प्रधानमन्त्री कार्कीले भदौ २३ र २४ गतेको घटनासम्बन्धी जाँचबुझ आयोग २०८२को प्रतिवेदन, नेपाल बाल संगठन र बालमन्दिर सम्बन्धी उच्चस्तरीय जाँचबुझ आयोग २०७७ को प्रतिवेदन तथा प्रधानमन्त्री तथा मन्त्रिपरिषद्को कार्यालयबाट तयार गरिएको सुशासन मार्गचित्र २०८२ सार्वजनिक गर्ने निर्णय गरेकी हुन्।

यी प्रतिवेदनहरू संसद सचिवालयको पुस्तकालयमा अभिलेख राखेर सार्वजनिक गरिने प्रेस सल्लाहकार राम रावलले जानकारी दिएका छन्।प्रतिवेदन सार्वजनिक गर्ने जिम्मा प्रधानमन्त्री तथा मन्त्रिपरिषद्को कार्यालयलाई दिइएको छ।यद्यपि, प्रतिवेदन सार्वजनिक गर्ने मिति भने अहिलेसम्म तय भइनसकेको जनाइएको छ।