तुलसीपुरमा श्रीमानको कुटपिटबाट श्रीमतीको मृत्यु

दाङ,१२ चैत । तुलसीपुरमा श्रीमानबाटै श्रीमतीको हत्या भएको छ। जिल्ला प्रहरी कार्यालय दाङका अनुसार तुलसीपुर उपमहानगरपालिका–१९ की २७ वर्षीया कमला वलीको श्रीमानको कुटपिटबाट मृत्यु भएको हो।

घरायसी विवादका क्रममा ३४ वर्षीय गोपाल वलीले बिहीबार साँझ करिब ७ बजेतिर कुटपिट गर्दा श्रीमतीको मृत्यु भएको प्रहरी निरीक्षक बावराम बस्नेतले जानकारी दिएका छन्।

घटनापछि श्रीमानलाई प्रहरीले पक्राउ गरेको छ। मृतक कमलाको शव राप्ती प्रादेशिक अस्पतालमा राखिएको छ। घटनाबारे थप अनुसन्धान भइरहेको प्रहरीले जनाएको छ।