कोमल वलीका बुवाको निधन

दाङ,१३ चैत । गायिका तथा पूर्वसांसद कोमल वली पितृशोकमा परेकी छन्। उनका पिता ललितबहादुर वलीको शुक्रबार तुलसीपुरस्थित आफ्नै निवासमा निधन भएको हो। छतमा घाम ताप्न जाने क्रममा खसेर ८५ वर्षको उमेरमा उनको मृत्यु भएको जनाइएको छ।

गायिका वलीले सामाजिक सञ्जालमार्फत बुवाको निधनबारे जानकारी दिएकी हुन्। पार्थिव शरीरलाई अन्तिम दर्शनका लागि तुलसीपुरस्थित निवासमा राखिएको छ।

वली दाङको साहित्यिक तथा सामाजिक क्षेत्रमा सक्रिय व्यक्तित्वका रूपमा परिचित थिए। उनका ‘दर्पण’ र ‘मातृभूमि’ जस्ता कृति प्रकाशित छन् भने केही गीतहरू रेडियो नेपालमा रेकर्ड भएका छन्।