मौसम खराब भएपनि पुस्तक बिक्री तालिका सार्वजनिक

काठमाडौं ,१४ चैत । प्रतिनिधिसभाका स्वतन्त्र सांसद तथा वैज्ञानिक महावीर पुनले मौसम खराब भए पनि शनिबार काठमाडौं उपत्यकाका दुई स्थानमा पुस्तक बिक्री अभियान जारी राख्ने बताएका छन्।

सामाजिक सञ्जालमार्फत जानकारी दिँदै उनले आजको तालिका सार्वजनिक गरेका हुन्।

उनका अनुसार नयाँ बानेश्वर, काठमाडौंस्थित चोकको उत्तरपट्टि खुला ठाउँमा बिहान १० बजेदेखि १ बजेसम्म पुस्तक बिक्री गरिनेछ।

यस्तै, दिउँसो २ बजेदेखि बेलुकी ६ बजेसम्म सल्लाघारी, भक्तपुर मुख्य चोक नजिकै खुला स्थानमा पुस्तक उपलब्ध हुनेछ।

पुनले पुस्तक बिक्रीबाट संकलित रकम वीरगञ्जस्थित कृषि औजार कारखाना सञ्चालनमा खर्च गरिने बताएका छन्।

“मौसम अलि खराब भए पनि आज शनिबार किताब बेच्ने तालिका यस अनुसार छ,” उनले सामाजिक सञ्जालमा उल्लेख गरेका छन्।