जातीय विभेदको आरोपमा एक महिला पक्राउ

जुम्ला,१६ चैत । जातीय विभेद गरेको आरोपमा एक जना महिला पक्राउ परेकी छन्।

जिल्ला प्रहरीका अनुसार कविता बुढालाई पक्राउ गरिएको हो। उनी गुठीचौर गाउँपालिका–३ निवासी हुन्।
उनीमाथि राजबहादुर सुनारमाथि जातीय विभेद गरेको आरोप लागेको प्रहरीले जनाएको छ।

आइतबार जुम्ला सदरमुकाम कालेखोलीस्थित एक होटलमा सुनारमाथि अपशब्द प्रयोग गरी गालीगलौज गरेको भिडियो सामाजिक सञ्जालमा सार्वजनिक भएपछि प्रहरीले उनलाई नियन्त्रणमा लिएर अनुसन्धान अघि बढाएको जनाएको छ।

प्रहरीका अनुसार घटनाबारे पीडित पक्षबाट अहिलेसम्म जाहेरी भने आएको छैन।