निर्वाचनबाट संसदीय दलको नेता चयन हुनुपर्छ : सुहाङ

काठमाडौं,१८ चैत । नेकपा एमालेको संसदीय दलको बैठकमा दलको नेता चयन प्रक्रिया निर्वाचनमार्फत गर्नुपर्ने आवाज उठेको छ।

केन्द्रीय कार्यालयमा बसेको बैठकमा सांसद सुहाङ नेम्वाङले प्रत्यक्ष निर्वाचनबाट नेता चयन गर्दा प्रक्रिया बढी पारदर्शी र लोकतान्त्रिक हुने धारणा राखेका छन्।

बैठकमा सहभागी एक सांसदका अनुसार नेम्वाङले दलभित्र विधि र प्रक्रियालाई प्राथमिकता दिनुपर्ने बताउँदै निर्वाचन प्रणालीमार्फत नेतृत्व चयन गर्नु उपयुक्त हुने बताएका छन्।