काठमाडौं,१८ चैत । चट्याङ लागेर एक युवकको मृत्यु भएको छ। एकजना घाइते भएका छन् । मकवानपुरको बागमती गाउँपालिका–१ भैँसेस्थित बागमती खोलामा माछा मारेर फर्कँदै गर्दा चट्याङ लागेर एक युवकको मृत्यु भएको हो।
मंगलबार साँझ करिब ६ः३० बजे हावाहुरी र वर्षासँगै परेको चट्याङ लाग्दा ३२ वर्षीय अजय पहरी र ३७ वर्षीय उज्वल थोकर घाइते भएका थिए।
गम्भीर घाइते पहरीलाई झुरझुरेस्थित सान्भि पोलिक्लिनिकमा प्रारम्भिक उपचारपछि थप उपचारका लागि हेटौँडा लगिएको थियो।
उपचारकै क्रममा राति ११ः२५ बजे चिकित्सकले उनलाई मृत घोषणा गरेका हुन्। घाइते थोकरको भने हेटौँडामा उपचार भइरहेको छ।
प्रतिक्रिया दिनुहोस