ओली र लेखकलाई २६ गते रिहा गर्न सर्वोच्चको आदेश

काठमाडौ,२४चैत । सर्वोच्च अदालतले पूर्वप्रधानमन्त्री केपी शर्मा ओली र गृहमन्त्री रमेश लेखकलाई २६ चैतमा हिरासतबाट मुक्त गर्न परमादेश जारी गरेको छ।
जिल्ला अदालत काठमाडौंले दिएको पाँच दिनको म्याद समाप्त भएपछि उनीहरूलाई रिहा गर्न आदेश दिइएको हो।

सोमबार न्यायाधीश विनोद शर्मा र सुनिलकुमार पोखरेलको इजलासले बन्दी प्रत्यक्षीकरण रिट खारेज गरे पनि अब म्याद थप नगर्न स्पष्ट निर्देशन दिएको थियो।

उनीहरूलाई २३–२४ भदौमा भएको ‘जेन–जी आन्दोलन’मा दमन गरेको आरोपमा १४ चैतमा प्रहरीले नियन्त्रणमा लिएको थियो।