दाङ ,२४ चैत । जिल्ला प्रहरी कार्यालय दाङले अवैध नदीजन्य पदार्थ ओसारपसारमा संलग्न १३ वटा ट्र्याक्टरलाई नियन्त्रणमा लिएर कारबाही गरेको जनाएको छ।
प्रहरीका अनुसार चैत १७ गतेदेखि २३ गतेसम्म जिल्लाका विभिन्न स्थानबाट ती ट्र्याक्टर पक्राउ गरिएको हो। ढुंगा, बालुवा र गिट्टीजस्ता नदीजन्य पदार्थ अवैध रूपमा ओसारपसारमा प्रयोग भएका सवारीसाधनलाई नियन्त्रणमा लिई सम्बन्धित निकायमा आवश्यक कारबाहीका लागि पठाइएको प्रहरीले जनाएको छ।
उक्त अवधिमा ३ लाख ५९ हजार ५७ रुपैयाँ जरिवाना गरिएको पनि जानकारी दिइएको छ। प्रहरीले नदीजन्य पदार्थको अवैध उत्खनन तथा ओसारपसार नगर्न सबैलाई आग्रह गर्दै यस्ता गतिविधि विरुद्ध निगरानी कडा बनाइने जनाएको छ।
प्रतिक्रिया दिनुहोस