कर्मचारीलाई वैदेशिक भ्रमणमा नपठाउन सरकारको निर्देशन

काठमाडौ,११ वैशाख । सरकारले कुनै पनि कर्मचारीलाई वैदेशिक भ्रमणमा नपठाउन निर्देशन दिएको छ। आउँदो तीन महिनासम्म प्रधानमन्त्री तथा मन्त्रिपरिषद्को कार्यालयले सबै मन्त्रालय, आयोग र सम्बन्धित निकायलाई पत्र पठाउँदै यस्तो निर्देशन दिएको हो ।

चैत १३ गतेको सरकारी निर्णयअनुसार शासकीय सुधारसँग सम्बन्धित १०० कार्यसूचीलाई उच्च प्राथमिकताका साथ कार्यान्वयन भइरहेको सन्दर्भमा यो निर्णय गरिएको हो।

प्रधानमन्त्री कार्यालयले जारी गरेको निर्देशनमा कर्मचारी वैदेशिक भ्रमणमा जाँदा यी कार्यसूची कार्यान्वयनमा बाधा पुग्न सक्ने भएकाले हालका लागि भ्रमणमा नपठाउन आग्रह गरिएको उल्लेख छ।