सेराटारमा बस दुर्घटनाः २७ जना घाइते

काठमाडौ,११वैशाख । पृथ्वी राजमार्गअन्तर्गत तनहुँको शुक्लागण्डकी नगरपालिका–७ सेराटारमा शुक्रबार दिउँसो बस दुर्घटना भएको छ। दुर्घटनामा परेर २७ जना घाइते भएका छन्।

पोखराबाट भैरहवातर्फ जाँदै गरेको ग २ ख १८३६ नम्बरको बस दुर्घटनामा परेको कास्कीका प्रमुख जिल्ला अधिकारी शिवलाल तिवारीले जानकारी दिए। उनका अनुसार अहिलेसम्म कुनै मानवीय क्षतिको खबर छैन र उद्धार कार्य जारी छ।

दुर्घटनाको सूचना पाएलगत्तै इलाका प्रहरी कार्यालय बेलचौताराबाट प्रहरी टोली घटनास्थलमा पुगेर उद्धार कार्य गरिरहेको प्रहरीले जनाएको छ।