अष्ट्रेलियामा तीनजनाको हत्या

काठमाडौ,२० वैशाख ।अस्ट्रेलियाको सिड्नीस्थित दक्षिणपश्चिम क्षेत्रमा एक घरमा भएको आक्रमणमा तीन जनाको मृत्यु भएको छ। आइतबार बिहान करिब १ः३० बजे सिड्नीको केन्द्रीय भागबाट करिब ४५ किलोमिटर टाढा रहेको रोजमेडो क्षेत्रमा घटना भएको प्रहरीले जनाएको छ।

घटनास्थलमा पुग्दा करिब ६० वर्षकी महिला र २० वर्षका एक पुरुष मृत अवस्थामा भेटिएका थिए। गम्भीर घाइते भएका ६४ वर्षका पुरुषको उपचारका क्रममा मृत्यु भएको प्रहरीले जनाएको छ।

प्रहरीले आक्रमणमा संलग्न भएको आरोपमा एक जनालाई पक्राउ गरेको छ भने घटनाबारे थप अनुसन्धान जारी रहेको छ।