काठमाडौ,२१ वैशाख । नेपाली कांग्रेस केन्द्रीय कार्यसम्पादन समितिको बैठक आज (सोमबार) बस्दै छ। बैठक दिउँसो १ बजे ललितपुरस्थित केन्द्रीय कार्यालय, बीपी स्मृति भवनमा हुने तय भएको छ।
पार्टीका कार्यवाहक मुख्यसचिव कृष्णप्रसाद दुलालका अनुसार बैठकमा पदाधिकारी तथा सदस्यहरूलाई अनिवार्य उपस्थितिका लागि अनुरोध गरिएको छ।
बैठकमा पार्टीले सञ्चालन गरेको एक महिने ‘जरा अभियान’ र क्रियाशील सदस्यता अद्यावधिकको विषयमा मुख्य रूपमा छलफल हुने जनाइएको छ।
साथै, देशको समसामयिक राजनीतिक अवस्था, पार्टीको आन्तरिक एकता र संगठन व्यवस्थापनका विषयमा पनि विस्तृत छलफल हुने बताइएको छ।
प्रतिक्रिया दिनुहोस