उपकुलपति पदमा दरखास्त आह्वान

दाङ,२५ वैशाख । विभिन्न विश्वविद्यालयमा रिक्त उपकुलपति पद पूर्ति गर्न गठित छनोट तथा सिफारिस समितिले दरखास्त आह्वान गरेको छ।

समितिले आठ वटा विश्वविद्यालयका लागि आवेदन माग गरेको हो। जसअन्तर्गत त्रिभुवन विश्वविद्यालय, पूर्वाञ्चल विश्वविद्यालय, पोखरा विश्वविद्यालय, लुम्बिनी बौद्ध विश्वविद्यालय, कृषि तथा वन विश्वविद्यालय, मध्यपश्चिम विश्वविद्यालय, सुदूरपश्चिम विश्वविद्यालय र राजर्षि जनक विश्वविद्यालय रहेका छन्।

उपकुलपति छनोट तथा सिफारिससम्बन्धी एकीकृत कार्यविधि, २०८३ शिक्षा, विज्ञान तथा प्रविधि मन्त्रालयको वेबसाइटमा सार्वजनिक गरिएको समितिले जनाएको छ।