प्रस्तावित प्रधानन्यायाधीश शर्माविरुद्ध १६ उजुरी

काठमाडौ,४ जेठ । प्रस्तावित प्रधानन्यायाधीश डा. मनोज शर्मा विरुद्ध संसदीय सुनुवाइ समितिमा १६ वटा उजुरी परेका छन्।

संघीय संसद सचिवालयकी सूचना अधिकारी सावित्रा शर्मा का अनुसार उजुरी दिनका लागि तोकिएको १० दिनको अवधिमा उक्त संख्यामा उजुरी प्राप्त भएको हो।

गत २५ वैशाखमा बसेको संसदीय सुनुवाइ समितिको बैठकले डा. शर्माविरुद्ध उजुरी आह्वान गर्दै १० दिनको समय दिएको थियो।

उजुरी परेपछि अब समितिले ती उजुरीहरूको अध्ययन गरी आवश्यक प्रक्रिया अघि बढाउनेछ।