घोराहीमा आज शोक बिदा

दाङ,२१ जेठ । घोराही उपमहानगरपालिकाले आफ्ना सवारी चालक निराजन केसीको निधनप्रति श्रद्धाञ्जली व्यक्त गर्दै आज शोक बिदा दिएको ।उपमहानगरपालिकाका अनुसार केसीको हिजो जेठ २० गते असामयिक निधन भएको हो।

उनको निधनप्रति दुःख व्यक्त गर्दै आज जेठ २१ गते उपमहानगरपालिका अन्तर्गतका कार्यालय, वडा कार्यालय, स्वास्थ्य संस्था र पशु सेवा केन्द्रहरूमा बिदा दिइएको छ।

यद्यपि अत्यावश्यक सवारी सेवा भने नियमित रूपमा सञ्चालन हुने जनाइएको छ। उपमहानगरपालिकाले दिवंगत केसीप्रति श्रद्धाञ्जली अर्पण गर्दै परिवारजनप्रति समवेदना पनि व्यक्त गरेको छ।