दुईवटा अटो आपसमा ठोकिँदा नौ जना घाइते

दाङ,६ असार । दाङको तुलसीपुरमा दुईवटा अटो आपसमा ठोकिएर दुर्घटना भएको छ। दुर्घटना हुँदा नौ जना घाइते भएका छन्।

तुलसीपुर उपमहानगरपालिका–१३ स्थित सानो लेख नजिक दुईवटा अटो एक आपसमा ठोकिएका हुन्

दुर्घटनामा घाइते भएका सबैको उपचार तुलसीपुरस्थित राप्ती प्रादेशिक अस्पतालमा भइरहेको प्रहरीले जनाएको छ। घाइतेहरूको अवस्था तथा परिचय खुल्न बाँकी रहेको छ।

प्रहरीका अनुसार दुर्घटनाको कारण र क्षतिको विवरण संकलन भइरहेको छ। घटनाबारे थप अनुसन्धान जारी रहेको तथा विस्तृत विवरण आउन बाँकी रहेको प्रहरीले जनाएको छ।