दुबईमा जारी १३ औं संस्करणको इण्डियन प्रिमियर लिग (आईपीएलमा) सन्दीप लामिछाने आवद्ध टिम दिल्ली क्यापिटल्सले चौथो जित हात पारेको छ ।
राति भएको खेलमा दिल्ली क्यापिटल्सले रोयल च्यालेन्जर्स बेङ्लोरलाई ५९ रनको फराकिलो अन्तरले हराएको हो । टस हारेर पहिला ब्याटिङ गरेको दिल्लीले निर्धारित २० ओभरमा ४ विकेट गुमाएर १९६ रन बनायो ।
जितका लागि १९७ रनको लक्ष्य पाएको बेङ्लोरले निर्धारीत २० ओभरमा ९ विकेट गुमाउँदै १३७ रन मात्रै बनाउन सक्यो ।
दिल्लीका लागि पृथ्वी शाले ४२, शिखर धवनले ३२, क्याप्टेन श्रेयस आएरले ११ र रिसब पन्तले ३७ रन जोडे । यस्तै मर्कुस स्टोनिसले नटआउट ५३ र सिमरन हेटमाएरले नटआउट ११ रन जोडेका थिए ।
बेङ्लोरलाई सस्तैमा समेट्ने क्रममा दिल्लीका कगिसो रबडाले ४, एनरिच नोर्टजे र अक्षर पटेलले २/२ र रविचन्द्र अश्विनले १ विकेट लिएका थिए ।
त्यसैगरी बेङ्लोरका क्याप्टेन विराट कोहलीले ४३, वासिङ्टन सुनदरले १७, आरोन फिन्चले १३, नवदिप सैनिले १२, मोइन अलि र शिवम् दुवेले ११/११ रन बाहेक अन्यले दोहोरो अंक जोड्न सकेनन् ।
यस्तै बेङ्लोरका मोहम्मद शिरजले २, इसुरु उडना र मोइन अलिले दिल्लीको १/१ विकेट लिएका थिए ।
यो जितसँगै दिल्ली क्यापिटल्स ८ अंकका साथ लिगको शिर्ष स्थानमा उक्लिएको छ भने बेङ्लोर ६ अंकका साथ तेस्रो स्थानमा रहेकोे छ ।
प्रतिक्रिया दिनुहोस