एजेन्सी । अमेरिकाको भर्जिनिया राज्यस्थित मनाससपार्क सिटीमा एकै परिवारका चार नेपाली मृत अवस्थामा फेला परेका छन्।
मनाससपार्क प्रहरी विभागका अनुसार उनीहरू भाडामा बस्दै आएको अपार्टमेन्टको तल्लो तलाबाट ३८ वर्षीय सन्तोष परियार, ३६ वर्षीया अञ्जु श्रेष्ठ, दुई वर्षीय छोरा र आठ वर्षीया छोरीको शव फेला परेको हो।
प्रहरीको प्रारम्भिक अनुसन्धान अनुसार चारै जनाको मृत्यु गोली लागेर भएको देखिएको छ। घटनास्थलमै हतियार फेला परेको प्रहरीको भनाइ छ।
स्थानीय समय अनुसार बिहीबार राति १०:४० बजे घरधनीले भाडामा बसेका परिवारको अवस्था बुझ्न नसकेको भन्दै प्रहरीलाई खबर गरेका थिए। त्यसपछि प्रहरी घटनास्थल पुग्दा सबै सदस्य मृत अवस्थामा फेला परेका हुन्।
प्रतिक्रिया दिनुहोस