काठमाडौँ,२९ जेठ । एयर इन्डियाको एक यात्रुवाहक विमान दुर्घटना भएको छ । भारतको गुजरातस्थित अहमदाबादमा दुर्घटनाग्रस्त भएको भारतीय सञ्चारमाध्यमले जनाएका छन्।
विमान अहमदाबादबाट लन्डनका लागि उडेको केही समयमै दुर्घटना भएको हो। विमानमा २४२ सवार रहेको बताइएको छ। दुर्घटनास्थलमा दमकलका गाडीहरू पुगिसकेका छन्। अहमदाबादको दमकल विभागले घटनाको पुष्टि गरेको छ।
अहमदाबाद विमानस्थलको टर्मिनल–१ का प्रबन्धकले विमानस्थल क्षेत्रबाहिर धुवाँ देखिएपछि जाँचका लागि सम्पूर्ण टोली घटनास्थलतर्फ गएको जानकारी दिए।
सार्वजनिक केही तस्बिरमा विमानमा लागेको आगो र धुवाँको मुस्लो देखिएको छ। घटनाको विस्तृत विवरण आउन बाँकी छ।
प्रतिक्रिया दिनुहोस