प्युठान,११ माघ । प्युठानको मल्लरानी गाउँपालिका–२ मधुगैराबाट एकनाले भरुवा बन्दुकसहित एक जना पक्राउ परेका छन्।
शनिबार राति प्रहरीले सोही ठाउँ निवासी ५८ वर्षीय डानकबहादुर सार्कीलाई भरुवा बन्दुक एक थानसहित नियन्त्रणमा लिएको हो।
प्रहरी चौकी चुजाठाँटीबाट खटिएको प्रहरी टोलीले उनको घर नजिकै रहेको तोरीको कुनिउँमा लुकाइराखिएको अवस्थामा बन्दुक फेला पारेको र त्यसपछि सार्कीलाई पक्राउ गरेको जनाएको छ।
घटनाका विषयमा थप अनुसन्धान भइरहेको प्रहरीले जानकारी दिएको छ।
प्रतिक्रिया दिनुहोस