दाङ,१४ चैत ।भारत सरकारले नेपाल सरकारलाई १९ थान सवारीसाधन हस्तान्तरण गरेको छ।
भारतीय महावाणिज्य दूतावास, वीरगञ्जका वाणिज्यदूत मनीषकुमार दासले आईईसीपीस्थित वीरगञ्ज भन्सार परिसरमा पर्साका सहायक प्रमुख जिल्ला अधिकारी सुमनकुमार कार्कीलाई उक्त सवारीसाधन हस्तान्तरण गरेका हुन्।
दूतावासका अनुसार नेपाल सरकारको आग्रहअनुसार सहयोगस्वरूप ती सवारीसाधन उपलब्ध गराइएको हो।
सहायक प्रजिअ कार्कीले प्राप्त सवारीसाधन गृह मन्त्रालय, नेपालतर्फ पठाइएको जानकारी दिएका छन्।
प्रतिक्रिया दिनुहोस