काठमाडौ,२ वैशाख । जिल्ला ट्राफिक प्रहरी कार्यालय ले नियन्त्रणमा रहेका सवारीसम्बन्धी कागजपत्र फिर्ता लैजान सर्वसाधारणलाई आग्रह गरेको छ। ट्राफिक नियम उल्लङ्घन अभिलेख प्रणाली लागू भएपछि कार्यालयमा ८ हजार ९८२ वटा कागजपत्र थन्किएका छन्। तीमध्ये लाइसेन्स, ब्लुबुक र मार्ग अनुमतिजस्ता सक्कली कागजात रहेका छन्।
प्रमुख प्रहरी निरीक्षक अनिल थापाका अनुसार जरिवाना नबुझाएका सवारी चालक तथा धनीलाई १० दिनभित्र कागजपत्र लिन भनिएको छ। तोकिएको समयभित्र नलगे सवारी तथा यातायात व्यवस्था ऐन, २०४९ अनुसार एक महिनासम्म निलम्बन हुन सक्ने चेतावनी दिइएको छ।
प्रतिक्रिया दिनुहोस