तुलसीपुरमा होन्डा एक्सचेन्ज अफर सुरु: ग्राहकलाई विभिन्न सुविधा

दाङ,६ वैशाख ।दाङको तुलसीपुरमा होन्डा एक्सचेञ्ज अफर सुरु भएको छ । हात्तीखौवास्थित अम्बिकेश्वरी अटो मार्टले होन्डा मोटरसाइकल तथा स्कुटीका लागि एक्सचेन्ज अफर सुरु गरेको हो ।

आइतबारदेखि सुरु भएको अफर आगामी शुक्रबारसम्म सञ्चालन हुने छ। अटो मार्टका सञ्चालक दिपेशराज भण्डारीका अनुसार यस अवधिमा जुनसुकै कम्पनीका मोटरसाइकल एक्सचेन्ज गर्न सकिनेछ।

रिकन्डिसन हाउसले निर्धारण गरेको मूल्यमा सन्तुष्ट हुने ग्राहकलाई अटो मार्टका तर्फबाट थप ६ हजार रुपैयाँ प्रोत्साहन रकमसमेत उपलब्ध गराइने व्यवस्था गरिएको छ।

अफरअन्तर्गत ग्राहकलाई दुई वर्षसम्म ग्यारेन्टी र ७ वर्ष निःशुल्क सर्भिसिङको सुविधा प्रदान गरिने जनाइएको छ। साथै, ग्राहकलाई लक्षित गर्दै लक्की ड्रको व्यवस्था गरिएको छ।

जसबाट न्यूनतम ४ हजारदेखि अधिकतम १ लाख रुपैयाँसम्मका उपहार प्राप्त गर्न सकिने भण्डारीले जानकारी दिए। ग्राहक आकर्षित गर्न विभिन्न छुट तथा सुविधा थप गरिएको उनले बताए।

अटो मार्टले होन्डा मोटरसाइकल तथा स्कुटी खरिदका लागि आधा रकम तिरेर बाँकी किस्ताबन्दीमा तिर्न सकिने सुविधा पनि उपलब्ध गराएको छ। उक्त किस्ता योजना कम्तीमा दुई वर्षसम्मका लागि हुने जनाइएको छ।

सञ्चालक भण्डारीका अनुसार अटो मार्टले वार्षिक करिब साढे ६ सयभन्दा बढी मोटरसाइकल तथा स्कुटी बिक्री गर्दै आएको छ भने पछिल्लो समय स्कुटीको माग उल्लेखनीय रूपमा बढेको छ। यस वर्ष कुल एक हजार युनिट बिक्री गर्ने लक्ष्य राखिएको उनले बताए।