सुन र चाँदी दुवैको मूल्य घट्यो

दाङ,७ वैशाख । बजारमा सोमबार सुन र चाँदी दुवैको मूल्यमा गिरावट आएको छ। नेपाल सुनचाँदी व्यवसायी महासंघका अनुसार सुन प्रतितोला १ हजार ३०० रुपैयाँले घटेर २ लाख ९९ हजार ७०० रुपैयाँ कायम भएको छ।

आइतबार सुन प्रतितोला ३ लाख १ हजार रुपैयाँमा कारोबार भएको थियो। त्यस्तै, चाँदी पनि प्रतितोला ३५ रुपैयाँले घटेर ५ हजार १९० रुपैयाँमा झरेको छ।

महासंघका अनुसार अन्तर्राष्ट्रिय बजारमा हुने उतारचढावकै आधारमा नेपाली बजारमा दैनिक मूल्य निर्धारण हुने गरेको छ। पछिल्ला दिनमा अन्तर्राष्ट्रिय बजारमा देखिएको मूल्य गिरावटको प्रभाव नेपाली बजारमा समेत परेको बताइएको छ।