गृहमन्त्री गुरुङले दिए राजीनामा

दाङ,९ वैशाख। गृहमन्त्री सुधन गुरुङले पदबाट राजीनामा दिएका छन्। उनले बुधबार प्रधानमन्त्री वालेन्द्र शाहसमक्ष राजीनामा बुझाएका हुन्। बिचौलियासँग साँठगाँठ गरेको आरोप लागेपछि गुरुङले पद त्यागेका हुन्।

गुरुङ १३ चैतमा प्रधानमन्त्री शाह नेतृत्वको सरकारमा गृहमन्त्री नियुक्त भएका थिए। उनीमाथि बिचौलियासँग मिलेमतो गरी अकुत सम्पत्ति आर्जन गरेको आरोप लागेको थियो।

उक्त आरोपपछि सत्तारूढ दल रास्वपाका नेतासहित विपक्षी दलहरूले समेत उनको राजीनामा माग गरेका थिए। गुरुङले भने आफूमाथि लागेको आरोप अस्वीकार गर्दै आएका छन् । तर छानबिनमा सघाउनका लागि राजीनामा दिएको बताएका छन्।