स्वास्थ्यमन्त्री मेहताको सल्लाहकारमा डा. प्रधान

काठमाडौ,१० वैशाख । स्वास्थ्य तथा जनसंख्या मन्त्री निशा मेहताको प्रमुख विज्ञ सल्लाहकारमा प्रा।डा। मनोहर प्रधान नियुक्त हुने भएका छन्।

राष्ट्रिय स्वतन्त्र पार्टी(रास्वपा) ले डा. प्रधानलाई सल्लाहकारका रूपमा पठाउने निर्णय गरेसँगै सरकारले उनलाई उक्त जिम्मेवारी दिने तयारी गरेको हो। डा.प्रधानलाई मन्त्रालयको अवैतनिक विज्ञ सल्लाहकारका रूपमा नियुक्ति पत्र दिने तयारी गरिएको छ।

चितवनलाई कार्यथलो बनाएर लामो समयदेखि चिकित्सा सेवा र प्राध्यापनमा सक्रिय रहेका डा. प्रधान कलेज अफ मेडिकल साइन्सेज, भरतपुरमा विगत १८ वर्षदेखि अध्यापनरत छन्।

उनी नेपाल मेडिकल काउन्सिलका दुई पटक निर्वाचित सदस्य भइसकेका छन्। साथै नेपाल चिकित्सक संघ, चितवन शाखाको उपाध्यक्षको जिम्मेवारी पनि सम्हालिसकेका छन्।

रास्वपाको स्थापनाकालदेखि नै सक्रिय रहेका उनले पछिल्लो समय पार्टीको बागमती प्रदेश स्वास्थ्य तथा जनसंख्या विभागको संयोजकका रूपमा काम गर्दै आएका थिए।

मन्त्रालयका अनुसार चिकित्सा, नीतिगत र प्रशासनिक क्षेत्रमा उनको अनुभवले स्वास्थ्य नीति निर्माण र कार्यसम्पादनमा सहयोग पुग्ने अपेक्षा गरिएको छ।

हेडलाइनस्