दाङमा छतबाट खसेर एक जनाको मृत्यु

दाङ,११ वैशाख । दाङमा छतबाट खसेर एकजनाको मृत्यु भएको छ । राजपुर गाउँपालिका–४ दुलैयाका ४२ वर्षीय राजु भण्डारीको घरको छतबाट खसेर मृत्यु भएको छ।

प्रहरीका अनुसार भण्डारी अम्बा टिप्ने क्रममा छतबाट खसेर गम्भीर घाइते भएका थिए। घाइते अवस्थामै उनलाई उपचारका लागि लमही अस्पताल लगिएको थियो।

उपचारकै क्रममा उनको मृत्यु भएको इलाका प्रहरी कार्यालय गढवा ले जनाएको छ।