मोटरसाइकल दुर्घटनामा क्रिकेटर आलम घाइते

काठमाडौ,११वैशाख। नेपाली राष्ट्रिय क्रिकेट टोलीका खेलाडी आदिल आलम मोटरसाइकल दुर्घटनामा परी घाइते भएका छन्।

बाराको बम नहर रोडअन्तर्गत थलही पुलमा शुक्रबार उनी सवार मोटरसाइकल अनियन्त्रित भई दुर्घटना भएको हो। दुर्घटनालगत्तै मधेश प्रदेशका पूर्वमुख्यमन्त्री सरोज कुमार यादव घटनास्थल पुगेर घाइते आलमको उद्धारमा सहयोग गरेका थिए।

उनीलाई तत्कालै उपचारका लागि वीरगञ्जस्थित न्युरो अस्पताल लगिएको थियो। अस्पतालमा उपचाररत आलमको स्वास्थ्य अवस्था अहिले सामान्य रहेको परिवारले जनाएको छ।