विद्यार्थी राजनीति प्रतिबन्धको विरोधमा अनेरास्ववियुको कालो फेटा

काठमाडौ,१३ वैशाख । अनेरास्ववियुका नेताहरुले विद्यार्थी राजनीतिको प्रतिबन्धको विरोध जनाएका छन् । आइतबार बसेको सचिवालय बैठकमा नेताहरूले ‘मलाई बोल्न दे सरकार’ लेखिएको कालो फेटा बाँधेर विरोध जनाएका हुन् ।

नेकपा एमाले निकट विद्यार्थी संगठनले बालेन्द्र शाह नेतृत्वको सरकारले विद्यार्थी राजनीति प्रतिबन्ध लगाउने तयारी गरेको भन्दै विरोध गरेको अध्यक्ष दीपक धामीले बताएका छन्।

सरकारले विश्वविद्यालयभित्र रहेका विद्यार्थी संगठनहरू प्रतिबन्ध गर्ने तथा सुरक्षा जोखिम भए प्रहरी पोस्ट स्थापना गर्ने योजना अघि सारेको छ।

विद्यार्थी संगठन खारेजको विषयमा संसदमा अनेरास्ववियुका पूर्वअध्यक्ष तथा हालका एमाले सांसद ऐन महरले पनि विरोध जनाएका छन्।