दाङ,१९ वैशाख । नेपाली कांग्रेसका क्रियाशिल नेता तथा व्यवसायी विमल रिजालले पार्टी परित्याग गरेका छन् ।
तुलसीपुर–५ निवासी तथा तुलसीपुर उद्योग बाणिज्य संघका पूर्व अध्यक्ष रिजालले सक्रिय सदस्यता सहित पार्टीका सबै जिम्मेवारीबाट अलग भएको घोषणा गरेका हुन्।
उनले बैशाख १६ गते नेपाली कांग्रेस क्षेत्र नम्बर ३का सभापतिलाई पत्र लेख्दै व्यक्तिगत व्यावसायिक कारणले पार्टी छोडेको जनाएका छन्।
रिजालले पार्टीमा रहँदा सहयोग गर्ने सबैप्रति धन्यवाद व्यक्त गरेका छन्। साथै उनले तुलसीपुर क्षेत्रमा सामाजिक अभियानमा समेत सक्रिय भूमिका खेल्दै आएका छन्।
प्रतिक्रिया दिनुहोस