मोटरसाइकल आपसमा ठोक्किदा तुलसीपुरमा दुईजना घाइते

दाङ,३ जेठ ।दाङको तुलसीपुरमा दुई वटा मोटरसाइकल आपसमा ठोक्किँदा दुई जना घाइते भएका छन्। प्रहरीका अनुसार हात्तिखौवाबाट तुलसीपुर बजारतर्फ जाँदै गरेको रा २ प ८००८ नम्बरको मोटरसाइकल र सोही दिशातर्फ जाँदै गरेको रा ३ प ९९ नम्बरको मोटरसाइकल तुलसीपुरको गुल्मचोकमा एकआपसमा ठोक्किएका हुन्।

दुर्घटना आइतबार दिउँसो करिब १ बजेतिर भएको जनाइएको छ। दुर्घटनामा दुवै मोटरसाइकल चालक घाइते भएका छन्।

ईलाका प्रहरी कार्यालय तुलसीपुरका प्रमुख डिएसपी होमबहादुर पराजुली का अनुसार घाइते हुनेमा घोराही–१७ का १७ वर्षीय अनिल पुन र तुलसीपुर–७ का १७ वर्षीय लक्ष्मण गिरी रहेका छन्।

घाइते दुवै जनाको राप्ती प्रादेशिक अस्पतालमा उपचार भइरहेको प्रहरीले जनाएको छ। प्रहरीले घटनाबारे थप अनुसन्धान गरिरहेको जनाएको छ।