घट्यो सुनचाँदीको मूल्य

दाङ,१० जेठ। नेपाली बजारमा सुनको मूल्यमा एकैदिन ठूलो गिरावट आएको छ। आइतबार सुनको भाउ २ हजार ८ सय रुपैयाँले घटेको हो।

नेपाल सुनचाँदी व्यवसायी महासंघका अनुसार शुक्रबारको तुलनामा आज घटेर प्रतितोला सुनको मूल्य २ लाख ९० हजार ९०० रुपैयाँ कायम भएको छ। यसअघि शुक्रबार सुन प्रतितोला २ लाख ९३ हजार ७०० रुपैयाँमा कारोबार भएको थियो।

यसैगरी चाँदीको मूल्य पनि घटेको छ। आइतबार चाँदी प्रतितोला १ सय ५ रुपैयाँले घटेर ५ हजार १० रुपैयाँमा कारोबार भइरहेको छ। शुक्रबार चाँदी ५ हजार १ सय १५ रुपैयाँमा किनबेच भएको थियो।

अन्तर्राष्ट्रिय बजारको प्रभावसँगै पछिल्ला दिनमा सुन–चाँदीको मूल्यमा उतारचढाव देखिँदै आएको छ।