जिल्ला अस्पतालको फार्मेसीमा चोरी

रुकुम पश्चिम,२७ जेठ । रुकुम पश्चिमको जिल्ला अस्पताल मुसिकोट नगरपालिका–१ सल्लेमा रहेको फार्मेसीबाट नगद चोरी भएको छ।

मंगलबार राति फार्मेसीमा कार्यरत कर्मचारी शौचालय गएको समयमा काउन्टरमा राखिएको करिब १५ हजार रुपैयाँ चोरी भएको जिल्ला प्रहरी कार्यालयले जनाएको छ।

घटनापछि मुसिकोट नगरपालिका–३ का १९ वर्षीय दिपेश वली, वडा–१ का २२ वर्षीय अल्बड सिंह र १९ वर्षीय जगदीश परियारलाई पक्राउ गरिएको थियो।

प्रहरीका अनुसार पक्राउ परेकाहरू मानसिक अवस्था ठिक नभएका र परिवारविहीन भई सडकमा बस्दै आएका व्यक्ति हुन्। सोधपुछपछि उनीहरूलाई छाडिएको छ। घटनाबारे थप अनुसन्धान भइरहेको प्रहरीले जनाएको छ।