काठमाडौ,२९ जेठ । बजेट वक्तव्यमा आफ्ना मागहरू सम्बोधन नभएपछि विद्यालयका कर्मचारीहरू आन्दोलनमा उत्रिएका छन्।
नेपाल विद्यालय कर्मचारी परिषद्को समन्वयमा विभिन्न कर्मचारी युनियन तथा संगठनहरूको संयुक्त मोर्चाले चरणबद्ध आन्दोलनको घोषणा गरेको हो।
कार्यतालिका अनुसार उनीहरूले सरकार, अर्थमन्त्रालय, शिक्षामन्त्रालय र मानव स्रोत विकास केन्द्रलाई ध्यानाकर्षण पत्र बुझाइसकेका छन्। साथै जिल्ला तहमा शिक्षा विकास तथा समन्वय इकाई र जिल्ला प्रशासन कार्यालयमार्फत पनि ध्यानाकर्षण गराइएको छ।
कर्मचारीहरूले आ–आफ्ना क्षेत्रका जनप्रतिनिधिलाई जानकारी गराउँदै संघीय संसद्मा आफ्ना माग उठाउन आग्रह गरेका छन्।
घोषित कार्यक्रमअनुसार जेठ २८ गतेदेखि असार ४ गतेसम्म कालो पट्टी बाँधेर काम गर्ने र माग पूरा नभए असार ५ गतेदेखि सम्पूर्ण कामकाज ठप्प पार्ने निर्णय गरिएको छ। असार ६ गते दोस्रो चरणको आन्दोलन घोषणा गरिने पनि जनाइएको छ।
प्रतिक्रिया दिनुहोस