रोल्पा,१ असार । रोल्पामा सुत्केरी बोकेर जाँदै गरेको बोलेरो दुर्घटना भएको छ। सोमबार बिहान करिब १ बजे रुन्टिगढी गाउँपालिका–७ सालिवाङ क्षेत्रमा उक्त जिप दुर्घटनामा परेको हो। जिप दुर्घटना हुदा आठजना घाइते भएका छन् ।
रुन्टिगढी–६ डुब्रिङ गोठीवनबाट वडा नम्बर ८ तल्लो लापुतर्फ सुत्केरी लैजाँदै गर्दा जिप अनियन्त्रित भई दुर्घटना भएको प्रहरीले जनाएको छ।
अस्थायी प्रहरी पोस्ट कुर्जाका इन्चार्ज मोहन विश्वकर्माका अनुसार जिपमा सवार यात्रुहरू सामान्य घाइते भएका छन्। घाइते सबैको उपचार राप्ती प्रादेशिक अस्पताल तुलसीपुरमा भइरहेको प्रहरीले जानकारी दिएको छ।
प्रतिक्रिया दिनुहोस