११ वर्षीया बालिकामाथि जबरजस्ती करणीको आरोपमा एक युवा पक्राउ

दाङ,३ असार । प्रहरीले बालिकामाथि जबरजस्ती करणी गरेको आरोपमा एक युवकलाई पक्राउ गरेको छ। दाङको तुलसीपुर उपमहानगरपालिकास्थित एक घरमा ११ वर्षीया बालिकामाथि जबरजस्ती करणी गरेको आरोपमा उनलाई पक्राउ गरेको हो।

पक्राउ पर्नेमा तुलसीपुर उपमहानगरपालिका निवासी २२ वर्षीय चुडामणी डाँगी रहेका छन्। उनले बालिकामाथि जबरजस्ती करणी गरेको आरोप लागेको जिल्ला प्रहरी कार्यालय दाङले जनाएको छ।

प्रहरीका अनुसार घटनापछि तत्कालै अनुसन्धान प्रक्रिया अघि बढाइएको छ। पीडित बालिकाको स्वास्थ्य अवस्था तथा अन्य आवश्यक सहयोगका लागि सम्बन्धित निकायसँग समन्वय भइरहेको बताइएको छ। घटनाबारे थप अनुसन्धान जारी रहेको प्रहरीले जनाएको छ।