दाङ,३० असार । नेपाल आयल निगम लिमिटेडले भोलि बुधबारदेखि १४.२ केजी भरि सिलिन्डर एलपी ग्यास उपलब्ध गराउने जनाएको छ।
निगमले वर्तमान परिस्थितिलाई ध्यानमा राख्दै ग्यासको आपूर्ति तथा वितरण प्रणालीलाई व्यवस्थित गरी अर्को निर्णय नभएसम्मका लागि भरि सिलिन्डर ग्यास उपलब्ध गराउने निर्णय गरेको हो।
निगमका अनुसार प्रति सिलिन्डर ग्यासको मूल्य २ हजार ६० रुपैयाँ कायम गरिएको छ। इन्डियन आयल कर्पोरेसनबाट नियमित रूपमा एलपी ग्यास आयात भइरहेको जनाउँदै निगमले उपभोक्तालाई आवश्यकताअनुसार मात्र ग्यास खरिद गर्न र अनावश्यक भण्डारण नगर्न आग्रह गरेको छ।
प्रतिक्रिया दिनुहोस